Tagged: аферторый

№80. Цэлебрацыя Імшы: святое махала, сітца і грэбень (6)

На працягу даволі доўгага часу на Захадзе — а на Усходзе яшчэ і цяпер — падчас аферторыя і далей, да канца Камуніі, выкарыстоўвалася махала, якім адганялі мух і іншых мошак ад святара і ахвяры. Даручалася гэтае заданне дыякану, прычым перадача дыякану махала падчас пасвячэння ў раннія часы лічылася неабходным элементам, як цяпер і лічыцца ў грэцкім абрадзе.

№79. Цэлебрацыя Імшы: “Orate fratres” і сакрэтныя малітвы (5)

Скончыўшы гэтую малітву, святар паварочваецца да сабраных і заклікае іх словамі “Orate fratres” — “Маліцеся, браты”, а затым ціха працягвае: “Каб мая і вашая ахвяра была прыемнай Богу Айцу ўсемагутнаму”. Той факт, што святар прамаўляе гучным голасам толькі першыя два словы гэтай малітвы, зазвычай тлумачаць практыкай не перашкаджаць спевакам, якія выконваюць спеў на аферторый.

№78. Цэлебрацыя Імшы: ахвяраванне келіха (4)

“Прыносім Табе, Пане, келіх збаўлення, просячы Твае ласкавасці, каб з водарам салодкім узышоў ён да вобліку Тваёй Велічы для збаўлення нашага і ўсяго свету. Амэн”.

№77. Цэлебрацыя Імшы: ахвяраванне хлеба (3)

“Прымі, святы Ойча, Усемагутны вечны Божа, гэтую беззаганную гостыю, якую я, нягодны слуга Твой, прыношу Табе, Богу майму, жывому і праўдзіваму, за незлічоныя грахі, знявагі і занядбанні мае і за ўсіх тут прысутных, а таксама за ўсіх верных хрысціянаў, жывых і памерлых, каб мне і ім яна паслужыла для збаўлення і жыцця вечнага”.

№76. Цэлебрацыя Імшы: музыка падчас аферторыя (2)

Да IV ст. ахвяраванне дароў адбывалася ў цішыні, аднак потым быў уведзены звычай спяваць падчас ахвяравання псальмы, каб людзі не нудзіліся. Св. Аўгустын у сваіх творах згадвае пра гэты звычай, а яго правобраз можна бачыць у старым законе, дзе сыны Аарона, пакуль першасвятар прыносіў у ахвяру кроў вінаграду, трубілі ў срэбраныя трубы, а спевакі ўзнімалі свой голас і напаўнялі святыню салодкім спевам (Сір 50).

№75. Цэлебрацыя Імшы: аферторый (1)

Слова “аферторый” — ад лац. “offerre”, ахвяраваць, прысвячаць — сёння выкарыстоўваецца ў двух адрозных значэннях: па-першае, яно азначае малітву, якая ў Імшале называецца “offertorium” і якую святар чытае адразу пасля Сімвала веры; па-другое, гэтым словам называюць усё, што адбываецца на алтары ад канца гэтай малітвы да завяршэння ахвяравання хлеба і віна.

Як служыць Імшу ў надзвычайнай форме? Частка Г-10. Аферторый (2)

Прымі, святая Тройца, гэтае прынашэнне, якое мы складаем Табе ў памяць мукі, ўваскрасення і ўнебаўшэсця Езуса Хрыста, Пана нашага, а таксама на славу Найсвяцейшай Марыі заўсёды Дзевы, святога Яна Хрысціцеля, святых Апосталаў Пятра і Паўла, а таксама тых і ўсіх святых, каб ім яна была на славу, а нам на збаўленне.

Scroll Up