Category: Відэападручнік

Як служыць Імшу ў надзвычайнай форме? Частка Г-3. Працэсія да алтара

У момант пачатку Імшы святар бярэ келіх у левую руку, а правую кладзе на бурсу. Вэлюм павінен закрываць келіх прынамсі спераду, каб келіха не было відаць. Калі вэлюм мае крыжык альбо арнамент на адным з бакоў, келіх трэба трымаць так, каб гэтае ўпрыгожванне было спераду. Адкрытая частка бурсы павінна глядзець у бок святара. Трымаючы келіх перад грудзямі, з пакрытай галавою, ён кланяецца крыжу або галоўнаму абразу ў сакрыстыі, затым выходзіць за прыслугоўваючым у касцёл.

Як служыць Імшу ў надзвычайнай форме? Частка Г-2. Апрананне ў сакрыстыі

У сакрыстыі ўбранне выкладваецца на століку для апранання ў парадку, у якім святар будзе яго апранаць, каб першая рэч была зверху. Спачатку выкладваецца арнат, так каб святар мог зручна ўзяць яго. Ён кладзецца на столік пярэдняй часткай уніз. На арнат кладзецца стула, затым маніпул, пас, альба і амікт — у такім парадку.

Як служыць Імшу ў надзвычайнай форме? Частка Г-1. Падрыхтоўка алтара

Хоць гістарычна спяваная Імша з’яўляецца першасным абрадам, а ціхая Імша — гэта насамрэч толькі яе скарочаная форма, тым не менш на практыцы святару след найперш навучыцца служыць ціхую Імшу. Ён служыць яе пастаянна, зазвычай кожную раніцу. Цырымоніі звычайнай ціхай Імшы з’яўляюцца нібы падмуркам для ўсіх іншых Эўхарыстычных абрадаў.

Scroll Up