Category: Пазіцыі FIUV

Пазіцыя № 4. “Літургічная арыентацыя”

У свядомасці вернікаў устанавілася асацыяцыя, згодна з якой звычайную форму рымскага абраду святар служыць тварам да вернікаў, а традыцыйную лацінскую Імшу — “плячыма” да вернікаў, або тварам да ўсходу. Мала хто ведае, аднак, што пры служэнні новай Імшы можна выкарыстоўваць абедзве паставы, а рубрыкі Рымскага Імшала напісаны так, быццам яны маюць на ўвазе арыентацыю тварам на ўсход. Гэтая Пазіцыя прадстаўляе гістарычны і тэалагічны аспект традыцыйнай практыкі малітвы ad orientem і падкрэслівае яе каштоўнасць для “суправаджэння люду ў падарожжы да Валадарства, якое мы згадваем у малітве, пакуль не вернецца Пан”.

Пазіцыя № 3. “Спосаб прыняцця святой Камуніі”

Прыняцце святой Камуніі ў вусны і на каленях з’яўляецца істотнай характарыстычнай рысай старажытнай рымскай літургіі. Пазіцыя № 3 прыводзіць аргументы ў абарону такой практыкі, заклікаючы ў сведкі Святое Пісанне, Айцоў Касцёла і сучасных Папаў.

Пазіцыя № 2. “Літургічная пабожнасць і ўдзел у літургіі”

Адны літургісты сцвярджаюць, што асаблівыя рысы традыцыйнай лацінскай літургіі (лацінская мова, цішыня, арыентацыя святара і інш.) спрыяюць удзелу вернікаў у літургіі, тады як іншыя аспрэчваюць гэта і выступаюць за тое, каб літургічныя абрады былі спрошчаны. Гэты артыкул прыводзіць аргументы ў абарону традыцыйных аспектаў літургіі, падкрэсліваючы значэнне такога ўдзелу ў літургіі, які не зводзіцца да інтэлектуальнага разумення Імшы, а пры дапамозе невербальных сродкаў ахоплівае ўсю асобу чалавека.

Пазіцыя № 1. “Служба мужчын і хлопцаў пры алтары”

Першы артыкул з серыі пазіцый Міжнароднай федэрацыі “Una Voce” закранае тэму мужчынскай службы пры алтары. Сучаснае касцёльнае права дапускае да літургічнай службы як міністрантаў, так і міністрантак, аднак традыцыйная лацінская Імша ў тых момантах, якія ўнутраным чынам звязаны з істотай літургіі, карыстаецца правам, якое дзейнічала ў 1962 годзе. Адпаведна, у гэтым выпадку да алтара дапускаюцца толькі хлопцы і мужчыны.

Новы цыкл: Пазіцыі Міжнароднай федэрацыі “Una Voce”

Міжнародная федэрацыя “Una Voce” падрыхтавала серыю пазіцый, прысвечаных тым ці іншым характэрным рысам традыцыйнай рымскай літургіі. Гэтыя кароткія артыкулы прадстаўляюць неабходную фактычную інфармацыю па тэме і даюць найлепшыя аргументы на карысць традыцыйнай практыкі.

Scroll Up