Category: Дакументы

Павел VI. Апостальская канстытуцыя Missale Romanum (1969)

“Мы тым не менш спадзяёмся, што гэты Імшал будзе прыняты вернікамі як прылада, якая дае сведчанне і якая пацвярджае супольную еднасць нас усіх. Тады ў вялікай разнастайнасці моў адна выключная малітва, як прыемная ахвяра, узнясецца да нашага Айца ў небе праз нашага Першасвятара Езуса Хрыста ў Духу Святым”.

Леў ХІІІ. Энцыкліка “Vi è ben noto” пра Ружанец і грамадскае жыццё (1887)

Мы таксама жадаем, каб падчас гэтага месяца кастрычніка каталікі Італіі з той жа мэтай і з жывой верай заклікалі гэтую велічную Дзеву і з любоўю дакучалі яе мацярынскаму сэрцу, молячыся да яе аб трыумфе Касцёла і Апостальскай Сталіцы, аб свабодзе для Намесніка Езуса Хрыста на зямлі, аб спакоі і грамадскім дабрабыце.

Леў ХІІІ. Энцыкліка “Quod auctoritate” з абвяшчэннем надзвычайнага Юбілею (1885)

Цяпер вам неабходна з найвялікшым клопатам сачыць, каб гэтае набажэнства практыкавалася з усё большай адданасцю і каб яно няспынна захоўвалася. І калі Мы настойліва паўтараем гэты заклік, як ужо рабілі гэта некалькі разоў, то ніхто з вас не павінен здзіўляцца, бо вы разумееце, наколькі важна, каб гэтая звычка да Ружанца Марыі заквітнела сярод хрысціянаў.

Леў ХІІІ. Энцыкліка “Superiore anno” пра рэцытацыю Ружанца (1884)

“Паколькі ворагі хрысціянства настолькі ўпарта трымаюцца сваіх мэтаў, яго абаронцы павінны быць настолькі ж непарушнымі, асабліва калі нябесная дапамога і даброты, якія спасылае на нас Бог, зазвычай з’яўляюцца плёнам нашай вытрымкі”.

Літургічнае ўбранне і малітвы пры ўбіранні

“Можна спадзявацца, што зноў адкрытая сімволіка літургічнага ўбрання і малітваў пры ўбіранні захвоціць святароў зноў увесці практыку малітвы падчас апранання для літургіі, каб падрыхтавацца да цэлебрацыі з неабходным засяроджаннем”.

Леў ХІІІ. Энцыкліка “Supremi apostolatus officio” пра ружанцовае набажэнства (1883)

“Мы не толькі шчыра заклікаем усіх хрысціянаў прысвяціць сябе пабожнаму і нястомнаму прамаўленню Ружанца публічна або прыватна ў сваім доме і сям’і, але і жадаем, каб увесь месяц кастрычнік у гэтым годзе быў прысвечаны Найсвяцейшай Каралеве Ружанца”.

Була “Ineffabilis Deus”, якою быў абвешчаны догмат аб Беззаганным Зачацці Марыі

Мы абвяшчаем, пастанаўляем і вызначаем, што вучэнне, згодна з якім Найсвяцейшая Дзева Марыя ў першы момант свайго Зачацця асабліваю ласкаю і прывілеем Усемагутнага Бога дзеля прадбачаных заслугаў Езуса Хрыста, Збаўцы роду чалавечага, была захавана некранутаю ніякай плямаю першароднага граху, было аб’яўлена Богам, а таму ўсе вернікі павінны з непахіснай верай заўсёды яго вызнаваць.

Scroll Up