Category: Гісторыя Імшы (1879)

№116. Антыдор

Многія пратэстанты, якія падарожнічаюць на Усход, любяць пасля вяртання дадому хваліцца, што ўсходнія хрысціяне дазволілі ім узяць “кансэкраваную аплатку”, маючы на ўвазе святую Камунію. Таму мы не лічым, што наша праца будзе скончанай, калі мы не скажам пра гэты самападман.

№115. Цэлебрацыя Імшы: апошняе Евангелле

Многія старажытныя філосафы казалі, што Евангелле ад Яна з-за свайго высокага стылю павінна быць напісана залатымі літарамі і вывешана ў кожным касцёле, каб усе маглі яго бачыць.

№113. Цэлебрацыя Імшы: Ite, missa est

Што датычыцца дакладнай перадачы гэтых слоў на іншую мову, то тут існуюць розныя меркаванні. Некаторыя мяркуюць, што поўная форма гэтага сказа гучыць так: “Ite, missa est hostia” — “Ідзіце, ахвяра ўзнесена ўвысь”. Іншыя кажуць, што маецца на ўвазе “Ite, missa est ecclesia” — “Ідзіце, касцёл, або сход, адпушчаны”.

№111. Святая Камунія на Усходзе

У літургіі св. Яна Хрызастома цэлебрант прымае Камунію са словамі: “Пачэснае і святое Цела Госпада, і Бога, і Збаўцы нашага Ісуса Хрыста даецца мне, святару N., для адпушчэння грахоў і жыцця вечнага”.

№110. Пашана да Найсвяцейшай Эўхарыстыі

Менавіта такі клопат Касцёла пра Найсвяцейшы Сакрамэнт, спалучаны з веліччу і ўрачыстасцю абрадаў святой Імшы, прымусілі Фрыдрыха ІІ сказаць: “Кальвіністы ставяцца да Усемагутнага Бога, як да слугі; лютэране — як да роўнага; каталікі — як да Бога”.

№108. Цэлебрацыя Імшы: Камунія пад постаццю хлеба

За невялікімі выключэннямі, на працягу першых пяці ці шасці стагоддзяў верніку на руку клалі Гостыю і дазвалялі прыняць яе самому. Мужчыны прымалі Гостыю голымі далонямі, паклаўшы іх адна на адну ў форме крыжа і крыху сагнуўшы правую далонь, каб атрымалася лодачка.

№107. Цэлебрацыя Імшы: Камунія пад дзвюма постацямі

Да ХІІ ст. святая Камунія ўдзялялася вернікам пад дзвюма постацямі, што можна бачыць са шматлікіх сведчанняў. З таго часу Камунію пад дзвюма постацямі пачалі прымаць адны цэлебранты, аднак паўсюдным законам гэта стала толькі пасля сабора ў Канстанцы.

Scroll Up